Murti iyo xikmado xeeldheer

xikmad gaaban

Kuwani waa oraaho huwan ujeedooyin durugsan,waxayna iidaan unoqon karaan kasha iyo kasmadaba. Waa ereyo ka mida hadaladii dadkii suubanaa ee soo maray ummadda islaamka ah.

Runtii kolkaad lafta jabsatana, waxaad ka dhuuxaysaa waano iyo hogatus xeel dheer. Sidoo kale waxa ku duugan dhiirrigelin aad ku jibaaxi karto caqabado kale duwan.

Way adag tahay inla samraa, waxase ka xun inla lumiyo abaalmarinada samirka. Abu Bakar

Balaayo sababta inaad unoqoto xagga Alle ayaa ka wanaagsan barwaaqo ku illowsiisa Xuska Alle. Ibnu Tayyimah

Halkan ka akhri:

• Murti iyo maqaaxi


• Xikmad gaaban: sirta guusha


• aragtida Aristotle ee saaxiibtinimada


• xogo iyo xaqiiqooyin cilmi nafsi.


• Sida loogu hadlo hadal aan ka qatanayn Xikmad.

Si aad uhesho waxaad jeceshahay, ugu horreyn waa inaad udulqaadato waxaad neceb tahay. Abu Xamid Al Qasali



Wakhti lumintu waxay ka daran tahay geerida. Waayo geeridu waxay kaa carcerisaa dunida, wakhti lumintuna waxay kaa fogeysaa Allah. Ibnu Qayyim Al Jawsiyah.

Cudurka asiiba cilmigu waa isla-weynida. Cudurka ku dhaca cibaadaduna, waa istus-tuska. Ibnu Tayyimah.

Ha illoobin naftaada markaad wacdiyeyso dadka kale. Cumar Ibnu Khadaab.


Marka qof uu ku dhaliilo ama ku khilaafo waxa qalbigaaga ku dhalanaysa qudhaanjo yar oo nacayb iyo cadaawad ah. Haddii aanad isla markaba dhirbaaxin qudhaanjada,waxa laga yaabaa inay isu rogto mas... Jalal Ad-diin Muxamed Rumi.

Munaafiqu wuxu fiiriyaa gefafka, mu'minkuna raalligelinta. Imam Qasali


Qofka ay badato eed sheegashadiisu, waxa yaraada saxiibadiisa.
Fudayl Ibnu Ciyaad.


Haku kalsoonaan anshiga iyo anshaxa qofka ilaayood aragto sidu udhaqmo marka uu cadhoodo.
Cumar Ibnu Khadaab.



Qudhaada ku qallafsanow,dadka kalena udebecsanow.
Imaamu Shafici.



Saaxiibka rumaad waa ka markaad ku tidhaahdo isoo raac aan ku su'aalin halkee? Balse intuu kaco kuna raaca.
Imam Qasali



Haddii aad rabto inaad xakamayso dadka kale, ugu horreyn waa inaad xakamaysaa naftaada.